پرویز منیر
لیہ، پاکستان
رن مرید شاعر
| پرویز منیر | |
| ڄاݨ سنڄاݨ | |
| قلمی ناں | پرویز منیر |
| فن | شاعر |
| اصناف ادب | نسواں، شاعری |
| زبان | سرائیکی |
| شہریت | پاکستان |
ادبی خدمتاں
جناب پرویز منیر صاحب ادب نواز شخصیت ھن ۔اپݨے علاقے وچ 1999 کنوں گھن کے ایں وقت تک وݙے وݙے مشاعرے کروا چکن ترائے واری شاکر شجاع آبادی سمیت وݙے وݙے شعراء آئن۔
بزم بہار ادبی سنگت بستی قاضی دے بانی ھن۔ مزاحیہ شاعر ہووݨ دے نال نال سنجیدہ شاعری تے گیت دے خوبصورت شاعر ھن۔ ڄیندے گیت سرائیکی دے نامور گلوکار تے گلوکارہ اپݨی آواز ءچ ڳا چکن۔
- سنگر عطا اللہ عیسی خیلوی صاحب
- احمد نواز چھینہ
- شہزادہ اصف
- اعجاز راہی
- ارشد راہی
- تسلیم شہزادی
- نسیم سیمی
کتاباں
- تھل دی مونجھی ریت (شاعری)
کجھ نمونہ کلام
ݙوہڑہ
| اوویں نہ ٻولیں تیݙی مرضی ھے میݙا سجݨ قصور تاں کوئی نہیں |
| اوراں سݙ قاصد ڳلاں منہ تے کر کوئی او وی دور تاں کوئی نہیں |
| ڄیویں توں پیا سنگت چھوڑیندا ھیں ایویں چن دستور تاں کوئی نہیں |
| ڄیندے مگر منیر کوں چھوڑ ڳیو کوئی او وی حور تاں کوئی نہیں |
گیت
| رسے ہوئے ڈھولے کوں منیدے ودے ہیں |
| پھلاں ڄئیں جندڑی رولیندے ودے ہاٸیں |
| نکا ڄیاں قد ہے تے سوہݨاں ڄیاں یار اے |
| دنیا توں ودھ ساکوں اوندے نال پیار اے |
| پیرو راہݨے تلیاں سڑیندے ودے ہیں |
| ساݙے نال حال کیتا انج ساڈے ہاݨیاں |
| گھر گھر بݨ ڳیاں ساݙیاں کہاݨیاں |
| لڳی ہوئی بھا کوں ٻوجھیندے ودے ہیں |
| سمجھ نہیں آندی میں مناواں کیویں یار کوں |
| دل توں بھلاواں کیویں ڈھولے دے میں پیار کوں |
| پتہ اوندا پچھدے ݙسیندے ودے ہیں |
| رس گیا ڈھولا ہݨ ساتھوں نہ منیدا ھے |
| ڄیکوں ݙیکھ ݙیکھ پرویز ودا ڄیندا ھے |
| لوکاں دیاں منتاں کریندے ودے ہیں |
غزل
| جھمراں پاوݨ کنوں نسے ݙردے |
| سہرے ڳاوݨ کنوں نسے ݙردے |
| سارے رستے تے شیشے پئے ہوون |
| تیݙو آوݨ کنوں نسے ݙردے |
| اساں کلمے دے یار وارث ھیں |
| حق الاوݨ کنوں نسے ݙردے |
| یار رسسی تاں ولا کیا تھیسی |
| پیریں ڈھاوݨ کنوں نسے ݙردے |
| پیرو اڈھی ھائیں چور نپ گھنسوں |
| پیرا چاوݨ کنوں نسے ݙردے |
| اساں پرویز سب حسینی ھیں |
| سر کٹاوݨ کنوں نسے ݙردے |
پرویز منیر دیاں کتاباں
صفحہ 1