شبیر شرر
کوٹ ادو، پاکستان
مشہور سرائیکی شاعر
| شبیر شرر | |
| ڄاݨ سنڄاݨ | |
| اصل ناں | غلام شبیر خان |
| قلمی ناں | شبیر شرر |
| فن | شاعر |
| زبان | سرائیکی |
| شہریت | پاکستان |
ادبی خدمات
جناب غلام شبیر خان شرر صاحب سرائیکی زبان دے خوبصورت لکھاری ھن۔ جناب دی تصانیف توں معلوم تھیندے جو سرائیکی زبان نال کتنا پیار کریندن۔ جناب انتہائی قابل پڑھے لکھے شریف النفس انسان ھن۔ ایں وقت جناب سچل ادبی و ثقافتی سنگت کوٹ ادو دے چیئرمین ھن۔ ایگزیکٹیو ممبر بانگ ادبی فورم تے
سینئرنائب صدر پچھانواں ادبی فورم تونسہ نال وی منسلک ھن۔ ایں شبیر شرر دی کتاب ” چھیکڑی سݙ ” غازی یونیورسٹی دے نصاب اچ شامل ھے۔ یونیورسٹی دے سٹوڈنٹاں کوں پڑھائی ویندی پئی ھے۔
تصانیف
چھپیاں کتاباں
- آس (شاعری)
- چھیکڑی سݙ (شاعری)
- دیوان شعر (شاعری)
- انت (شاعری)
- ستریاں سطراں (انتخاب)
آوݨ آلیاں کتاباں
- گیان (شاعری)
- برھا (شاعری)
- زاد راہ (نعتاں)
کجھ نمونہ کلام
غزل
| باز آندا نہیں جو ستاوݨ کنوں |
| ہجر ڄمدا مرے اینجھے جاوݨ کنوں |
| وصل دی رات دے ڈھیر بھالے گھدے |
| اے امیداں نہ ہن میکوں سانوݨ کنوں |
| بے وفا بے مروت یا کوی ناں وی ݙے |
| تھک ہئے ہیں اساں ہݨ نبھاوݨ کنوں |
| لوک تنگ آ ڳئے ہن ایں دھرتی اتے |
| حسرتیں دے جنازے اٹھاوݨ کنوں |
| زندگی اڄ میݙے در تے دستک نہ ݙے |
| باز آ ونج میکوں لارے لاوݨ کنوں |
| ایں تو بہتر ہے چڑھ چڑھ کے میں مر ونجاں |
| کہیں دے احسان دے بار چاوݨ کنوں |
| توں جو پچھدیں میں ݙردا ہمی اے شرر |
| حادثیں دی حقیقت ڈساوݨ کنوں |
غزل
| تئیں ساݙی کردار کشی لئو پورے شہر ہلچرا کیتے |
| جنڈڑی جیوی اساں چوکھا تیݙے نال کوئی لیکھا کیتے |
| ساری عمرہ اساں تاں ہیں یاریں دے بس نوکر رہ گئے |
| ہر ہک سنگتی کوشش کر کے ساݙے نال تاں دوکھا کیتے |
| توڑو جتنا طاقت ور ہا بھانویں وحشی ارل بلا ہا |
| یار قویلیں نانگ کوں مارݨ کیتے آخر ایکا کیتے |
| ہر او بندہ ہک ݙینھ آخر مونہہ دے بھرݨے آ کے ڈھاسی |
| کہیں دے مونڈھیں چڑھ کے جئیں وی اپݨے قد کوں اچا کیتے |
| ایں وی تھئے جو اساں اپݨے آپ انا دیاں قبراں کھٹین |
| مر گئے ہیں تاں ول سدھ پئی اے اساں اپݨا گھاٹا کیتے |
ݙوہڑہ
| سجھ ابھرے خوف ابھر آندن سجھ لہندے شام دی زد اچ ہیں |
| ہر پاسوں چیک چہوڑا ہے اساں کہیں قہرام دی زد اچ ہیں |
| جے ہک الزام توں بچدے ہیں ول ٻئے الزام دی ذد اچ ہیں |
| ہیں وقت دی گردش ہاب شرر اساں روز متام دی ذد اچ ہیں |
شبیر شرر دیاں کتاباں
صفحہ 1