سونا خان بے وس
دلے والا بھکر
سرائیکی شاعر
| سونا خان بے وس | |
| ڄاݨ سنڄاݨ | |
| ناں | سونا خان |
| تخلص | بے وس |
| ڄم پل | 24 نومبر 1940ء |
| پیو دا ناں | دولت خان |
| پیشہ | کاشتکاری |
| فن | شاعر |
| اصناف ادب | گیت، ݙوہڑہ |
| جھاہ پتہ | دلے والا، بھکر |
| شہریت | پاکستان |
ڄم پل
24 نومبر 1940ء کوں ضلع بھکر دے علاقے دُلے والا اچ ڄمے۔ انھاں دی ذات راں ھے۔
تعلیم
واجبی توں تعلیم کرݨ دے بعد صرف مڈل تئیں تعلیم گدی۔
شاعری
1952ء میں المیہ شاعری پڑھ کے شاعری دا شوق پیدا تھیا۔ اپݨی مادری زبان سرائیکی وچ شعر آکھݨے شروع کیتے۔ لالہ عیسیٰ خیلوی دے والد بزرگوار بابا احمد خان نیازی دے نال 1963 توں خاص تعلق بݨا تے بعد اچ ڄݙاں لالہ جی(عطاء اللہ خان نیازی) گلوکاری شروع کیتی تاں بے وس اپݨا خوبصورت کلام لالہ جی کوں ڳاوݨ کیتے ݙتا۔
کجھ نمونہ کلام
ݙوہڑہ
| میکوں سجݨاں وطن تے ولݨ دیاں ہَن کیتیاں بہوں تاکیداں |
| بھیڑی غربت واپس ولݨ نہ ݙتیا کیتے ترلے درد رسیداں |
| مُونہہ کر کے وطن پیارے دو پیاں تُر تُر ݙیکھن دیداں |
| بےوس مقسوم ستایاں کُوں آئیاں وِچ پردیس دے عیداں |
ݙوہڑہ
| وے نیں سمجھ میݙا کیا لگدے میکوں اپݨاں کے سمجھیندے |
| خود خون رویندائے ݙوکھیاں نوں خود روݨ توں ہٹکیندے |
| ہک پل نسی اکھیاں نوٹݨ ݙتیاں جاں اونگھ آوے جھݨکیندے |
| ہے بے وس منزل ݙاڈھی اوکھی اگھاں رب جاݨیں کیا تھیندے |
گیت
| ٻہوں تڑپایا ای ڈھول ناداں ہجر فراق دے ماراں نوں |
| بس کر ظالم مدتاں ہوئیاں وطن تے موڑ مُہاراں نوں |
| غیر دا گھر آباد کتوئی واہ واہ حق محفوظ رکھوئی |
| بݨ کے محرم راز دلی دا رول ݙتا ای حقداراں نوں |
| اڄڑ ڳیاں تے ظلم وسائے نی چن الزام نہ ٹھاندے لائے نی |
| خاک دے وچ کر خاک ݙتوئی سنگدل پیار دے پیاراں نوں |
| پیار دا ویری رَج اَزما گھن ݙکھیاں توں ہر ڳل منوا گھن |
| ہس ہس جگر دا خون پلیساں حُسن دیا سرکاراں نوں |
| بھل ڳیوں کر کے قول وفا دے سوچ ناداناں کن گئے وعدے |
| عہد وفا دِیاں قسماں چا کے بُھل نئیں قول قراراں نوں |
| جگ تے جیویں وسدا راویں لڑ لڳیاں نوں نہ ٹھکرانویں |
| قسم خدا دی زندگی ساری رہسی تانگ بیماراں نوں |
| بس کر بے وس جھگڑے جہڑھے درد منداں دے شکوے کہڑھے |
| پیار دے بدلے ݙکھ نذرانے مل گئے قسمت یاراں نوں |