جام شوکت
سرائیکی شاعر
| جام شوکت | |
| ڄاݨ سنڄاݨ | |
| قلمی ناں | جام شوکت |
| فن | شاعر |
| زبان | سرائیکی |
| سکونت | راجن پور |
| شہریت | پاکستان |
کجھ نمونہ کلام
غزل
| سکھاں دا ھ کال ڑی امڑی |
| ݙیکھ اڄ میݙا حال ڑی امڑی |
| تیݙی جھولی سمݨ کیتے |
| سکدے تیݙا بال ڑی امڑی |
| تیݙے کیتے اڄ وی بال اَں |
| چٹے تھی ڳئن وال ڑی امڑی |
| درد متاں کجھ تھولے تھیون |
| ہاں تے اڄ سمال ڑی امڑی |
| رب وی اپݨا پیار جتئے تاں |
| تیݙی ݙتی مثال ڑی امڑی |
غزل
| نیئں خوف خدا اگوان دے وچ |
| تہوں نت رہندوں نقصان دے وچ |
| ساکوں شرم حیا نیئں آندا ہݨ |
| ودوں ٹھوٹھا چائی جہان دے وچ |
| کتھاوں بھیک ذرا جو مل پووے |
| چا ونڈدوں خاندان دے وچ |
| جینکوں پلوتے ݙیندوں دعائیں دے وچ |
| ساکوں بھیک ݙیندے طوفان دے وچ |
| ڄینکوں بکھا آکھ تے انج کیتی |
| اوندے چرچے ہن اسمان دے وچ |
| او چندر تارییں دی ڳول اچ ھ |
| اساں اٹے دے بحران دے وچ |
| کݙاہیں قرض ملے یا بھیک کتھاوں |
| بہہ مئے پیندوں گستان دے وچ |
| توں ملک کوں لٹ تے کھا گیا ہیئں |
| کیا رکھی پاکستان دے وچ |
| تیݙا چن اسمانی ݙیکھ کراہیں |
| اندی روٹی ساݙے دھیان دے وچ |