حالات زندگی

معروف سرائیکی شاعر سئیں امان اللہ ارشد وستی دیرہ دوست محمد ججہ عباسیاں تحصیل خانپور اچ حکیم محکم الدین اعواݨ دے گھر 1972 ء اچ اکھ کھولی ۔ 1981 ء توں شاعری شروع کیتی تے سئیں صوفی فیض محمد دلچسپ کوں اپݨا استاد بݨا گھدا ۔ انہاں دیاں کتاباں اکھیں خواب جگارے ، ارشد دے ݙوہڑے ، سِک دا ساوݨ، دھمال ، تیݙیاں یاداں ، آسرا فقیریں دا، تیݙیاں یاداں ہِن۔ امان اللہ ارشدؔ سرائیکی دا اُبھردا ہویا مقبٖول ترین نینگر شاعر ہے۔او ڈٖوہڑہ لکھے یا نظم،او گیت لکھے یا غزل کمال درجے دا لکھدے۔

ادبی خدمات

سئیں امان اللہ ارشد بارے سرائیکی دانشور سئیں سعید خاورؔ لکھدن:

امان اللہ ارشد لفظیں دے وڑنج وپار وچ سرائیکی دیاں سب صنفاں ورتین۔ایندی شاعری اُروار ،پار، حد ،بٖنے تے کہیں خاص عقیدے دی بٖدھل کائنی۔ بس انسانیت تے دھرتی دے ڈُٖکھیں دی پرچارک اے۔ ایندے نوحے دھرتی دے بدن تے کوک بنْ کُرلاندن ۔ محبت تے بغاوت ایندے سندھیں لتھی ہوئی اے۔ او محبت دا منکر نئیں پر ڈڈھپ دے خلاف اوندی محبت بغاوت بنْ ویندی ہے۔ بُکھ ، تریہہ تے روہی ، تھل ، دامان دی زندگی دریا دی ایں منْ تے ہووے تے بھانویں اوں مَنْ تے ، امان اللہ ارشد دے لفظیں وچ سہکدی پئی اے۔

تصانیف

• سک دا ساوݨ
• ارشد دے ݙوہڑے
• اکھیں خواب جگارے
• دھمال
• آسرا فقیریں دا

وفات

امان اللہ ارشد شوگر تے دل دے مریض ہن۔ 7 جنوری 2026ء کوں ہارٹ اٹیک دی وجہ توں وفات پا ڳئے۔ انھاں کوں انھاں دے آبائی قبرستان وچ دفن کیتا گے۔

نمونہ کلام:

غزل

ݙوہڑہ