افضل عاجز
ڄاݨ سنڄاݨ
اصل ناں	محمد افضل
قلمی ناں	افضل عاجز
ڄم پل	1962ء | کندیاں، میانوالی
فن	شاعر
شہریت	پاکستان

---

جیوݨ حال

افضل عاجز (محمد افضل) میانوالی دے قصبے کندیاں توں تعلق رکھݨ آلے ہک ہمہ جہت بین الاقوامی شہرت یافتہ گیت نگار، شاعر، ادیب، موسیقار تے صحافی ہن۔ 1962 وچ پیدا تھیوݨ آلے عاجز صاحب نے 1983 وچ تاج راہی دے گائے گیت نال شہرت حاصل کیتی تے 1987 توں عطاء اللہ خان عیسیٰ خیلوی کیتے لکھیے ڈھیر سارے گیت آفاقی مقبولیت حاصل کر چکن۔

افضل عاجز: میانوالی دی دھرتی دا ہک ہمہ جہت فنکار

• تعارف تے اصل ناں: افضل عاجز ہک ہمہ جہت شخصیت (شاعر، ادیب، موسیقار، گلوکار) ہن جنہاں دا اصل ناں محمد افضل ، ڄمدو ناں افضل داد تے تخلص عاجز ہے۔
• پیدائش تے پچھوکا: 1962 وچ میانوالی دے قصبے کندیاں وچ ڄمے، جنہاں دے والد خالق داد لکی مروت توں ہجرت کر کے آباد تھئے ہن۔
• تعلیمی سفر تے جدوجہد: غربت دی وجہ توں تعلیم ادھوری رہی، تاہم محنت مزدوری اتے حالات بہتر تھیوݨ تے میانوالی شہر منتقل تھئے۔
• ادبی صحبت تے فن: طاہر ساقی، منور علی ملک تے بابائے تھل فاروق روکھڑی دی صحبت توں فیض حاصل کیتا اتے بانسری نواز صابر علی توں موسیقی سکھیا۔
• فنی سفر: 1983 وچ پہلا گیت تاج راہی نے گایا۔ 1987 توں عطاء اللہ خان عیسیٰ خیلوی لئی گیت نگاری دا اغاز کیتا جیہڑا شہرت دا سبب بݨیا۔

مشہور گیت

• مینوں کر نئیں ساڑ کے کولا وے ڈھولا سیاݨا تھیویں ہا
• پیار نال نہ سہی غصے نال ویکھ لیا کر
• رنگ لے دل پیار نال رنگ لے
• اللہ کریسی چنگیاں
• راوی دا کنڈا ہووے توں ہوویں میں ہوواں
• تارا تارا گواہ اے چن ماہی
• دوروں دوروں سانوں ترساندے او اسی بلایئے تے نئیں آندے او
• پردیسیا تیرے بنا میرا جی نہ لگے
• دل نئیں رلدا ساݙے نال ساݙے چھلے ولا بھیجو
• نہاموں جے خواب اچ آیا ماہی

نمونہ کلام

قطعہ

ایں سچّائی دے ممبر تے اساݙی بانڳ باقی ہے

اڄاں دھرتی کوں خطرہ ہے اڄاں ہک نانگ باقی ہے

توڑے ڈھینگر چا کھوڑے ہن انہاں رستے چا بند کیتے

ݙکھاواں آ تیکوں عاجزؔ جو کہڑی لانگھ باقی ہے

---

غزل

شاید کوئی چنگاں موسم آیا ہے

تائیوں بلبل چیکا تے کرلایا ہے

ماء دی گونگی لوری توں شک پوندا ہے

ٻالاں دا پیوء خالی ہتھ گھر آیا ہے

دھم دھم دی آواز کنوں شک پوندا ہے

بارش وت کئی کچا کوٹھا ڈھایا ہے

دیوانے تاں چِر دیاں جھوکاں لڈ ڳئے ہن

وت اڄ چوک تے کیندے ڳل وچ پھایا ہے

شاید کوئی سچی ڳل کر بیٹھا ہاں

شہر دے والی وت میکوں سݙوایا ہے

---