ارشد خان ارشد

سرائیکی شاعر

کجھ نمونہ کلام:

کنݙ تے مونجھیں دے بار چا کے

منہ تے کوڑی کھل سجا کے

حال کولوں بے حال ہوندوں

ݙیکھ توں وی کݙاھیں آ کے

تعلق بچ ونڄے ہا ول جیکر میں ناں الیندا ہم

مگر گونگا سݙیندا ہم جیکر میں ناں ٻولیندا ہم

وݙا مجبور تھی کے میں تیݙے مونجھیں کوں مار آیاں

او میکوں مار ݙیون ہا جیکر میں ناں مریندا ہم

میں مہݨے وات نہی آیا انا وی قائم ہے میݙی

میکوں او آپ چھوڑو ہائی جیکر میں ناں چھوڑیندا ہم

ولا کھل ٹوک تھیوے ہا چہیݙاں وی مذاقاں وی

میݙا ارشد صبر دا گھٹ جیکر میں ناں بھریندا ہم

اڑی سینگی سیت کوں کیا تھی ڳئے ہر پاسوں کیوں نقصان تھیندے

ہر لڳدا منہ کیوں پھیر ویندے ایں ڳال دا ٻہوں ارمان تھیندے

کیوں سکھ دا کوئی پل نئیں ملدا کیوں ہر پل ݙکھ دا دان تھیندے

روح پیاسی تریہہ توں مر ڳئی اے ارمانی بت بے جان تھیندے