یونس ناصر

رحیم یار خان، پاکستان
مشہور سرائیکی شاعر

تعارف

شاعری دا منڈھ

یونس ناصر ہوݨیں 1985ء وچ اپݨی شاعری دا آغاز کیتا ، تے استاد الشعرا قاصر جمالی صاحب دے اڳوں شکر رکھی۔

سر تے جھل ٻئی سِل نیں سڳدے

ہُݨ تاں سہہ ہک تِل نیں سڳدے

ایجھے گُھمنݨ گھیر ءچ آ ڳیوں

ٻڈ تاں سڳدوں ٹِھل نیں سڳدے

مجنوں وانڳوں ٹِک تے کھڑ ڳیوں

اِیݙے اُوݙے ہِل نیں سڳدے

دُھوتی بھانویں روز پڑھاون

سجݨ کہیں تے کِل نیں سڳدے

سَو اَکھ پہرے دار ہوندی اے

میل دے وچ وی مِل نیں سڳدے

کِھلݨ والی ڳالھ تے وی ہُݨ

ناصرؔ کُھل تے کِھل نیں سڳدے

کُئی ضرورت نیں ودھ الانوݨ دی

چلو ٻوݨیں تاں ٻدھ الانوݨ دی

صرف اکھیں جھکا تے کھل پمدیں

کیجھی عادت ہی ادھ الانوݨ دی

آ کھیݙوں کھیݙ جو ہک ہووُں بھاویں ایں چݨ گھن بھاویں اوں چݨ گھن

توں توں رہ ونڄ میکوں میں کر گھن ول ہک چݨ گھن یا ݙوں چݨ گھن

چم چم ہٹ پوون شرط ہووے میکوں پیر چا ݙے تو موں چݨ گھن

ٻس ناصر ہڑ بھچ کیا کرݨی تیکوں میں چݨداں میکوں توں چݨ گھن