جہانگیر سوز
سرائیکی شاعر
| جہانگیر سوز | |
| ڄاݨ سنڄاݨ | |
| اصل ناں | محمد جہانگیر |
| تخلص | سوز |
| ڄم پل | ہک جنوری 1987ء | مٹھے والی تونسہ ، ڈیرہ غازی خان |
| فن | لکھاری |
| اصناف ادب | شاعری |
| شہریت | پاکستان |
تصانیف
- سنویں سنج دا سفری (شاعری)
- اے میلے زندگی دے لڳدے راہسن (شاعری)
- سوجھل تارے (شعراء دا انتخاب تے کلام)
نمونہ کلام
غزل
| اے میلے زندگی دے لڳدے راہسن بہاراں ہوسن اساں نہ ہوسوں |
| اے وقت چہرے بدلدا راہسی ہزاراں ہوسن اساں نہ ہوسوں |
| شہر تیݙے دیاں رونقاں وی ایں ساہ دے سانگے بحال ہوسن |
| اڈردیں کونجیں دا شور ہوسی قطاراں ہوسن اساں نہ ہوسوں |
| جݙاں وی ہجرت دی رت سنولسی مکییں بدلسن مکان اپݨیں |
| مکان ہوسن مکین ہوسن دیواراں ہوسن اساں نہ ہوسوں |
| حسین ہوسن ادائیں ہوسن وفائیں ہوسن جفائیں ہوسن |
| حسین اکھ وچ کجل دیاں قاتل ݙو دھاراں ہوسن اساں نہ ہوسوں |
| فصل محبت دی پکدی راہسی فصل تاں چیسن نصیب آلے |
| کئی لوک جھاراں اݙیندے راہسن کئی جھاراں ہوسن اساں نہ ہوسوں |
| جݙاں وی شہر خموشاں آسیں توں سوز عبرت دا کلمہ پڑھسیں |
| بھوئیں دے سینے تے ساݙے ناں دیاں مزاراں ہوسن اساں نہ ہوسوں |
ݙوہڑہ
| ہک کفن ہا ترکہ کل میݙا کوئی گھن کے تیݙا ناں چا ڳئے |
| میݙی رلدی لاش بے سائنکی کوں تیݙے شہر دے کالے کاں چا ڳئے |
| میݙے جسم کوں لیر کتیراں کر کئی زیرہ تے کئی حاں چا ڳئے |
| گھر سوز دا اجڑیا ݙیکھ کرائیں کئی در پٹ ڳئے کئی تھاں چا ڳئے |