باقر نیازی

ڈیرہ اسماعیل خان
سرائیکی شاعر

تصانیف

کئی سال گزر ڳئے روندے ہوئے ایویں ڈھول روویسیں کے توݨیں

آکھا من کے غیر دا باقر توں میݙا دل تڑپیسیں کے توݨیں

میکوں جھݨکاں دڑکے ݙے ݙے کے میݙا لہو پگھلیسیں کے توݨیں

ڄیویں گرگٹ رنگ بدلیندا ھ ایویں رنگ بدلیسیں کے توݨیں

ٻولی مٹھڑی ٻول وے پکھڑو

کناں وچ رس گھول وے پکھڑو

تیکوں آݨ آزاد کریسی

کجھ تاں مونہہ چوں چول وے پکھڑو

اوں تے صدقے تھیندی پئی ہاں

او جو ہے انمول وے پکھڑو

میݙے گھر وچ یار دا غم ہے

ہر گھر وجدن دول وے پکھڑو

اوندے ناویں زندگی لا کے

جندڑی چھوڑیم رول وے پکھڑو

رل کے یار دے گاوݨ گاؤں ہا

چپ دے جندرے کھول وے پکھڑو

نال ککھاں دے تل ڳئی باقر

یار دے کوڑے قول وے پکھڑو