اقرار عاصی

(1965) روجھان، پاکستان
سرائیکی گیت دے شاعر

تعارف

نمونہ کلام

ہر سال تباہ ہی تھئی ساݙی ہر سال اساکوں مینہ ماریے

کݙی مویوں پوہ دے پالے وچ کڈی آہڑ دے تتے ݙینہ ماریے

کجھ کھا ڳیاں جھݨکاں تیݙیاں چن کجھ غربت دے ساکوں شینہ ماریے

ٻس غریب تے ظلم رواجو ھے تہوں عاصی کوں ہر کینہ ماریے

توں تے مائیں ݙوہیں جو رل تے گذاری ہئی

او وی تاں ہئی زندگی ݙس کتنی پیاری ہئی

رستے وچ قدرتن اساں اڄ عاصی مل پئیوں

ناں تاں او محبت اساں کݙاں دی وساری ہئی

کوئی کراں سوال تے لڑ پوندا ہے

ہر نکی ڳال تے لڑ پوندا ہے

آہداں دنیا دا اعتبار نئیں رہے گیا

کر کجھ تاں خیال تے لڑ پوندا ہے

ونکو ون دے آپے فیشن پیا کرے

نیلی پانواں میں شال تے لڑ پوندا ہے

میں پیار نال آہداں جند جیویں سئیں

سوہݨے ونگرا وال تے لڑ پوندا ہے

گگھ آندھار ءچ سئیں جیوݨ ہے میݙا

آ ݙیوے بال تے لڑ پوندا ہے

ٻاہیں کونج کونج آ در تے کھڑدے

عاصی کراں مجال تے لڑ پوندا ہے