عصمت ارشن دستی

ڈیرہ غازی خان ، پاکستان
سرائیکی دے مشہور شاعر

تعارف

نمونہ کلام

ݙکھ کریندن سر پرستی ݙیکھ گھن

زندگی ہے موج مستی ݙیکھ گھن

ہر کوئی رہندا اِتھاں بے چین ہے

مونجھ دے ماریئیں دی وستی ݙیکھ گھن

شہر دے حالات توں واقف نوہیں

ول ڳیا کر گھر دو وقتی ݙیکھ گھن

توں میکوں دڑکے نہ ݙے جھیڑے نہ لا

ہیݨاں ہاں میں میݙی ہستی ݙیکھ گھن

پیار دے راہیں جیکر ویندا پئیں

چاتی ویندی ہیوی سختی ݙیکھ گھن

خون بندے دا اتھاں سستہ ہے ٻس

بی اتھاں کوئی شئے نئی سستی ݙیکھ گھن

توں بدل گئیں ڈھیر سارا یار ہݨ

میں اوہو ارشن ہاں دستی ݙیکھ گھن

اوں ملک دی خیر دا کیا تھیسی ڄتھ ظالم دھاریا ویندا ہے

ساݙے ملک دی یار عدالت وچ مظلوم وساریا ویندا ہے

بھانویں ظالم جتنا ظلم کرے اوکوں ہر جاہ تاریا ویندا ہے

ڄیڑھا ارشن سچ الواوے چا اوکوں اکثر ماریا ویندا ہے