انعام اللہ بادل

ڈیرہ غازی خان ، پاکستان
مشہور سرائیکی شاعر

تعارف

کجھ نمونہ کلام

سجݨ وعدے وفا دے کر مُکر ویسیں تاں کیا تھیسی

زمانے وانگ توں ساکوں وسر ویسیں تاں کیا تھیسی

ہزاراں لوک ملدن روز رستے وچ الیـندے نئیں

وٹا کے راہ جیکر توں وی گزر ویسیں تاں کیا تھیسی

اساں تاں ݙے کے رت اپݨی جواں کیتا ھے وݨ وانگوں

مگر چھاہیں دے موسم وچ توں کر ویسیں تاں کیا تھیسی

اساں تاں ڈھہہ کے پھلیں وانگ بھوئیں تے پیر چمسوں پئے

توں خوشبو بݨ ہوا دے وچ اݙر ویسیں تاں کیا تھیسی

حیاتی لنگھ ڳئی بادل مگر توں بھُل کے نائیں آیا

قبر تیں آ کے وی پچھتیں جے پھر ویسیں تاں کیا تھیسی

اٹھی سینڳی خیر دا ݙینہ تھی ڳئے کڈھ سیند سندور اچ وال کھڑا

انہیں مونجھ دے ماریں اکھیاں دا گݨ انگلیں تے ہرسال کھڑا

کج کردے ایرے کندھیاں دے تھاں ٹنگڑیں جوڑ سنبھال کھڑا

سئیں آنوڑے بادل اڄ تیݙو گھر عطریں نال دھنوال کھڑا